Radio City Music Hall

Radio City Music Hall
AEBko Leku Historikoa
Rockefeller Center
Egunez   Gauez   Barnealdea  Radio City Music Hall. Fatxadaren ikuspegia. Irudi gehiago
Kokapena
Estatu burujabe	Ameriketako Estatu Batuak
Estatua	New York
Ameriketako Estatu Batuetako hiri	New York
Borough	Manhattan
Koordenatuak	40°45′35″N 73°58′45″W / 40.75972°N 73.97917°W / 40.75972; -73.97917
Historia eta erabilera
Irekiera	1932
Inaugurazioa	1932ko abenduaren 27a
Jabea	Tishman Speyer (en)
Izenaren jatorria	Radio Corporation of America
Edukiera	5.945
Arkitektura
Arkitektoa	Edward Durell Stone (en)
Estiloa	Art Déco arkitektura
Ondarea
AEBko Leku Historikoa	78001880
Kontaktua
Helbidea	1260 6th Avenue, New York, NY 10020
Webgune ofiziala

Radio City Music Hall da New York hirian kokaturiko ikuskizun-areto erraldoi bat, Art Déco estilokoa. Rockefeller Center-en dago, eta Edward Durell Stone arkitektoaren nahiz Donald Deskey barnealde-diseinatzailearen obra da.

5.933 eserleku dauzka, eta kopuru horrekin, munduko zinema-aretorik handiena izan zen, publikoari ireki zenean, 1932ko abenduaren 27an. 1979z geroztik, areto honetan ez da zinema-emanaldi erregularrik izaten. Gehienbat, kontzertuak eta ikuskizunak eskaintzen dira gaur egun. Bereziki aipagarria da eguberrietan taularatzen den Radio City Christmas Spectacular ikuskizun itzela, zeinean parte hartzen baitute The Rockettes gisa ezaguturiko emakume dantzariek.

Aretoa eraiki zen garaian, haren barrualdearen dekorazioaren Art Déco estiloak haustura ekarri zuen ordura arte zinema-aretoetan ohikoa zen rokoko estiloaren apaindura astunekin.

Eszenatokiak 20 metroko sakonera eta 44 metroko zabalera ditu, eta sartzen ari den eguzki baten antza dauka.